Ann Joanne

Gambar sepiak Sabah

2010-06-03T22:26:00.000-07:00

Laban ke nadai pengawa amat boring diau ba rumah jak, kami menyanak nurun ke pasar tengah ari kemari. Nurun ari rumah pkl 12.30pm ke Ujana Kewangan kia, bendar kami 3 menyanak ngerinau kedai ba Ujana dia kemari. Bulih amat kami 3 suping..hehehe. Dah pulai ari Ujana, kami 3 menyanak lalu bejalai ba tebing tasik baru. Tu gambar tasik kalih ke Sabah kia. Laban ari ke panas seari ari kemari nyau terang bukit bukit ba Lawas & ba Sabah d peda. Tu gambar ke ulih di ambi aku kemari.. Nyau ka pkl7pm baru kami 3 pulai ke rumah. Bendar mai..hehehe

Bejalai tebing tasik..

2010-06-02T20:28:00.000-07:00

Seari ari kemari nyau boring ku d rumah. Dah ga FB sunyi sepi, tepon ku ke rumah org d rumah lalu madah diri empu nadai ari memagang. Enda nemu kitai ke sunyi sepi mai bala sida d menua din. :-( Kekelengah kami menyanak duduk dugau dugau d rumah, aku lalu mai bala anak nurun ke tebing tasik, ka ngambar sunset ko jako. Tang maya datai ba tebing pantai din tak ngumba mai ga langit memayuh nya remang. Lalu enda tepeda ke sunset. Lalu bala cda pun kayu nya meh nyadi modeling tudah ku..hehehe...

Exotic Fruit Safari

2010-06-01T21:36:00.000-07:00

Kala kitak ngirup arak tu? Nyamai mai ai buka ke siti tu, asai ke ngirup jus oren sepi aku laban arak tu ke jenis exotic fruit. Akohol arak tu semina 20% aja. Nyau ka baka wine nya meh iya. Maya aku meli arak tu enda ga aku meda berapa persen akhohol iya. Aku semina meli meda botol iya tak manah mai gambal d peda aku. Nyau dah berapa ari lepas aku meli baru aku nemu ai tu enda bisa. Ai ka di bai aku pulai begawai meh tu. Nya ko kawan aku ke ngau aku ditu madah, org meli ai meda pemisa ai ni org bisi meli ai meda botol arak ko iya..hahaa. Amat ga neh, ti arak ke enda bisa enda ulih di kena org begawai nya wai, nadai asai sepi org..hehehe.. Ti d irup kitai ke indu tu nya baru iya ngam. Rega ai baka tu ba Labuan Rm65, ti ba Swak din enda ga aku nemu pia.. Ti bala kitak bisi party 'ari org indu' tau ga bala kitak nguji meli ai ke siti tu. Nyamai di irup.hehehe..

Talipon ke menua maya ari Gawai

2010-06-01T04:57:00.000-07:00

Setat dani pagi tadi aku lalu tepon ngagai indai ku d menua din. Nyau bisi lebih 10 kali aku tepon kin lalu enda di sambut indai ku. Aku ke nyau binggung kumbai aku nama nda kabuah iya enda nyambut tepon . Dah nya aku lalu nguji tepon ngau tepon menyadi aku ke tuai, iya benung ba balai raya kampung kami din. Nyadi indai aku enda ngau sida iya, lembau tulang ko iya. Baru la aku nemu nama kabuah indai ku enda nyambut tepon ku sepagi pagi tu. Keno ko menyadi aku nya madah ke aku,setat dani pagi indai ku lalu masang lagu Gawai, d pasang iya pengabih nyarih spikar, ni nya ka ninga bunyi tepon. Patut la aku tepon nyau lebih 10 kali lalu enda di sambut iya. Nya ko kami duai menyadi aku bekelulu, apo..bendar mai indai poco-poco kediri di rumah din..hehehe. Sinu ngenang enda ulih ngau org rami 1hb. Ti Alex datai minggu siti tu ila ngka kami menyanak ka pulai ke menua. Enda ngau org muka Gawai, ngau Ngiling Tikai nyadi meh.. :-)

Ngaga marik Mutiara maya ari ka Gawai

2010-05-30T21:12:00.000-07:00

Selamat ari Gawai ngagai bala kitai ke bisi ngintu ari Gawai. Sinu meh ati laban ke lalu enda nyadi pulai ke menua ngau orang ngintu ari Gawai. Ti nunda kami menyanak ka berangkat ngena kereta ari labuan ke Sebuyau antara 29hb-30hb baka nya. Tang, enda mukai mukai lalu enggai enda jai ga injin ba pelantar minyak di Sabah din. Nya meh lalu ngasuh Alex bedau ulih pulai ari tasik din. Nyau enda nemu gi asai ati ku ngenang ke diri enda nyadi ngau orang ngerami 1hb di menua din. Alex lalu ngasuh aku pulai ngena bilun, tang aku enda sanggup mai bala anak bejalai kediri. Ti mai Ping-Ping aja nda ga ku irau, tang Horng-Horng kami nya ke cukup pedis d bai bejalai. Anang ke bejalai ba tempat bukai,ti maya kami 3 bisi bejalai ke supermarket bebeli barang ga nyau malu belara di pasar. Ma ati dah nyau geram asai ba tengah tengah pasar dia meh begetil, kati ka mai seduai iya bejalai kediri ba Airport. Anang gi diatu benung musin cuti, orang sigi mayuh besekut ba airport.

Dah dua ari tu FB tak kosong aja d peda aku. Nyau berasai amai puang nadai gi maca cerita ari bala kaban ba FB. Saritu aku lalu setat baru berungkai ke blog bala geng bloger. Nyau lelengau asai lama enda ngabas blog tu.

Nyadi maya nembiak dah cuti sekula tu aku sigi enda kala tumu tinduk. Paling tumu ku tinduk pukul 1am-2am. Sarinya 2 malam nyau pukul 3.30am aku tinduk. Semadi nganti mata ke ka tinduk ngelamatu aku lalu nguji ngau orang betuusuk ka tenggak ngau kalai mutiara. Bisi ga di campur aku ngau kristal seta asesori ke bukai.

Mutiara kami ba Labuan tu bisi murah mimit rega, tang ba Kota Kinabalu din murah agi rega mutiara. laban mutiara nya datai ari menua Pelipin. Nyadi mutiara nya bisi jenis paduhal iya. Mutiara ai tawar murah gi rega. Tang mutiara ai masin sigi embar agi ga rega iya, laban ke manah agi. Mutiara ai masin tu segala pendiau iya, tang mutiara ai tawar enda entu segala. Bisi ga mutiara jagung ngau mutiara beras. Nah...tu gambar mutiara ke udah nyadi di tusuk aku..

Tu tenggak ke seset di gaga aku. Kos baka tu seset Rm142, tang iya ke udah digaga orang ke di jual di pasar din mececah lebih Rm300 rega baka tu seset. Laban aku meli asesori nya siti siti , nya meh ke ngasuh iya embar agi. Ti kitai meli asesori nya sebungkus sebungkus sekali engka bisi murah agi rega iya pelaba aku. Mutiara aku ke di kena aku ngaga tu bisi 4 utas, seutas di jual orang ba labuan tu Rm25. Tang ti ba KK din ke di kumbai orang Pasar Pelipin murah agi ko sida iya.

Tu mutiara ai masin. Laban mutiara tu di beli aku ba KK sarinya murah agi rega. Seutas ke berega Rm100 ulih ngaga seset tenggak ngau kalai tu. Tang t ba Labuan tu, tenggak mutiara ke baka tu aja udah berega Rm90. Ti bala kita bisi nemuai ke KK ila lusa rugi kitak ti enda ngiga mutiara ba Pasar Pelipin din. Macam macam mutiara bisi di jual ba din. Rega pen sigi amat murah.

Selamat ari Good Friday

2010-04-01T01:25:00.000-07:00

Selamat nyambut ari Good Friday ngagai semua bala kaban bloger. Nyau enda berasai kitai dah datai ba bulan 4 diatu.

Ari kami ba Labuan ditu pen nyau nadai agi kemarau. Setat ujung minggu nyin kemari ari kami ditu belaboh ujan. 3 ari tu dah ari kami ditu belabuh sendu. Baka tu baru best, agi nyin kemari, maya ari agi panas nyau bekum asai dalam bilik. Terpaksa la tudah ekon nyadi mangsa. Niki meh bil karan kami bulan tu ila. Nasib ga karan ba Labuan tu murah. Ti kitai di Sarawak din seunit 36 sen(ti enda salah ku la), tapi kami ditu baru ka 20sen jak seunit. Nya meh ke ngasuh enda irau ati selalu masang ekon..hehehe...

Ngabang ke kampung atas ai..

2009-09-22T01:36:00.000-07:00

Kemari bala kami menyanak ngabang ngagai kawan Alex ba kampung Bebuloh Laut, Labuan ditu. Bini kawan Alex nya Cina Hakka.

Nyadi kampung nya sigi betempat ba atas ai tasik. Aku geli meda bala nembiak ke baka remit bejalai atas jambatan kampung nya. Rawan mai asai ati ku bejalai mai bala anak ba nengah jambatan dia. Aku baru pertama kali ngusung kampung ba atas ai tu, ngelama tu meda ba tv aja. Tu meh gambar ba mua rumah kawan Alex nya. Peda sepibot nya, ba pala tangga aja. Nyamai amai ti ka nurun berikan. Temu tikau ka mata ginti ari rumah pan bulih meh ikan pelaba aku.

Ari minggu & Ari Raya

2009-09-20T09:28:00.000-07:00

Tengah ari tadi nurun ke gereja, datai di gereja peda ku tak nadai mayuh orang datai sari tu. Engka bisi keda bala nyau mulai ke diri ke menua maya cuti sekula seminggu tu. Gereja Anglican tu bisi 3 iti sesi maya ari minggu, Bahasa Cina 7.30am, Bahasa Inggeris 10am ngau Bahasa Malaysia pukul 12.30pm. Kami sebilik ngau orang dalam bahasa malaysia laban maya pukul 12.30 tgh ari semua pengawa rumah dah siap magang. Bala anak pen enda kiar kiar madah ka makai ka ngirup ti di bai nurun sembiang maya nya,laban ke udah lepas makai tengah ari baru nurun sembiang.

Pulai ari gereja tadi lalu singgah ba kawan Alex ke nyambut ari raya. Kawan Alex nya melayu ari Johor, bini iya indu Iban ari Roban. Tang bahasa iban iya dinga ku nyau ukai munyi bahasa iban agi, dah nyadi bahasa campur.hehehe... Anak nyau udah bujang dara ni nda nyau mayuh mai jako iban dah enda di ingat agi. Tang aku arap ka aku empu sigi bejako iban tulin sampai bila bila masa.Enda alah nyau di kumbai bala kaban diri belagak.

Anang nyau baka cerita ke siti tu kitai ke jadi ngau bansa bukai. Cerita tu leboh maya aku nganjung anak betimbang ba klinik. Dah sampai ba nombor giliran, kami menyanak lalu tama ba bilik endor indu misi meresa anak mit. 2 iko indu misi iban ba bilik nya. Dalam bilik indu misi lalu nanya pengerai anak, laban ke sama iban lalu bejako iban meh bala kami. Dah nya seduai indu misi nya tadi lalu berandau.

Indu misi: Neh, tu indu iban ke jadi ngau cina, agi ga nemu bejako iban.

Aku: Lapa deh Misi

Indu misi: Enda, bisi siko indu iban tadi iya jadi ngau cina, di tanya

kami duai jako iban, lalu nyaut ngena jako melayu

Madah diri empu enda nemu agi bejako iban.

Aku:        Aieeee...enda patut anak iban diau ba sarawak enda ingat ke
                jako bansa diri empu. Engka iya nya anak kacukan kinih
                ataupun iya dah bepuluh taun enda bejako ngena jako iban.

Indu misi:    Ukai, kami duai nanya, iya anak kacukan kah, iya empu
                    ga madah diri sigi iban tulin. Enda patut bepuluh taun
                  enda ninga jako iban, indu nya baka ke sebambau ngau

nuan nya meh iya. Anak iya baru ga 2 taun

Bah, munyi ke enda pecaya ga aku ninga anak iban tulin, tang enda nemu bejako iban. Tang enda patut ga indu misi nya ka ngaga cerita ga. Kelalu mai ga, ti anak kacukan iban enda nemu jako iban enda ga pelik. Anak ku empu pen enda nemu jako iban..hehehe... Tapi iban tulin enda ingat ke jako diri..ish..ish... Aku arap ka aku empu enda lupa jako bansa dirilah.

Jalai-jalai ba tebing tasik

2009-09-15T03:14:00.000-07:00

Lama mai nadai update blog aku tu. Sibuk aku ngelama tu, betanam sayur ba Facebook..hehehe..
Laban ke lama enda mai bala anak bejalai ba tebing tasik, ari minggu tu tadi lalu mai bala anak makan angin ba tepi pantai.

Ari 5 tu ila nembiak start cuti ari raya, cuti seminggu . Planning ko jako ka ke Sabah minggu siti ila, sekali telepon kemari ka booking tiket feri, nemu nya nyau nadai agi tiket. Start minggu tu sampai 26 hb ila feri penuh magang. Lalu terbengkalai ga program kali tu.

Enda nemu ka bejalai kini nda cuti tu ila. Nyau boring ga asai sesari sari bekurung dalam pulau tu. Ti bisi idea tau ga berkongsi ngau aku au..hehehe...

Terima Kasih PUTERI..

2009-09-01T19:43:00.000-07:00

Terima kasih Puteri.. laban udah madah ngagai aku blog ke bukai ulih di import. Ti iya enda madah tadi, lalu enda me tudah aku nguji ka ngimport blog aku ke lama nya. Udah ku ninga iya madah tadi lalu nguji ngapa ko jako. Sekali nya lalu amat amat nyadi ga. Aku nadai mayuh utai di kunsi ba blog tu, tang sigi ka ngau orang ngeruh ka ai laban ke nadai bisi pengawa bukai di gaga ba rumah. Tu meh pengawa ke di kereja aku besari sari, berungkai ke ruai orang bukai taja pen nadai di jemput..hehehe..

Udah start ujan

2009-09-01T03:11:00.000-07:00

Semak 2 minggu tu ari enda berenti ujan ditu. Start malam tadi ari ujan sampai pagi tadi lalu enda berenti renti ujan. Nyau udah ngalih ari tadi baru bisi meda ari encelak mimit. Maya ari ka panas nyau abis jerebu ga menua laban ke kelalu angat. Maya dah ka ujan tu nyau baka ke udah ujung taun ga. hehe...

Saritu nembiak mula sekula baru. Aku malas mai ti maya nganjung nembiak nurun sekula ari lalu ujan. Ukai apa, aku takut jalai licin mai ti ari ujan. Nasib ga kereta ba Labuan tu enda entu gilak mayuh. Maya pulai Amanda di asuh ku numpang van. Pagi ari ditu nadai bisi van di tumpang ke sekula nya ga pedis mai. Laban kami ditu ukai diau semak bandar din. Penyauh kami ditu ari sekula Chung Hua sida Amanda enda netu gilak jauh,kira ke 8km pia aja.Tapi engka orang driba bas sekula ditu nyau udah kaya pelaba aku, nya meh sida nyau ngai beranjung kami ti jauh ditu.

"Nunda ko Puteri tu, semadi nadai cerita..hehehe..."

Geng Tarzan

2009-08-31T03:57:00.001-07:00

Lama mai nadai kala update blog aku. Nyau malas asai ka update blog laban ke nadai bisi gambar disimpan ditu. Laban ke nadai mindah ari Labuan tu,nya meh nyau malas asai ka begambar. Tambah mega Papa Amanda nyau jarang di rumah laban ke selalu travelling,kami menyanak nyau lembau asai ka bejalai kebukai,nya meh nyau nadai utai di gambar..

Ti bisi meli barang dapur, baru bisi nurun ke pasar. Nya pen sekejap aja. Malas ka mai bala budak bejalai ba supermarket.Ukai nama ngai mai seduai nya bejalai ba supermarket kediri, ti aku mai seduai nya bejalai di supermarket baka ke seduai iya aja ke bisi indai dalam dunia tu. Lalu baka kiar ngangau "mama,mama" ko seduai. Kadang-kadang nyau baka ke bemain ba playground Amanda seduai Axerus nya begagai ba supermarket ga. Baka bala sida Tarzan meh nya,nyau baka rauh..hehehe..heshhh..bala anak tu,macam-macam ulah...

Asai ke enda sabar-sabar nganti 5 taun yang akan datang. Maya nya ila udah besai bala anak, nya baru nyamai gi asai ka mindah kebukai..

When You Say At All

2009-08-09T23:14:00.000-07:00

2009-07-27T03:06:00.000-07:00

Tu feri ari Menumbok,Sabah ke Labuan. Bayar tambang kira ka enda entu gilak embar. Kereta Rm40. Ti besai gi kereta engka besai agi ga bayar tambang pelaba aku. Feri tu meh iya ke kena kami nyeberai ke Labuan sarinya maya kami ke pindah ari miri ujung taun siti nyin kemari. Ari Menumbok ke Labuan 2 jam baru sangkai di seberai. Besai ga feri tu 3 tingkat. ba baruh sekali tempat parking kereta. Ba tingkat 1 endor para penumpang. Tambang penumpang siko Rm5. Tingkat ke atas sekali nyau baka padang ke endor bemain bol peda ku. Ti bisi ati nguji ngena feri tu ke Labuan mesti boking dulu,laban ti enda di boking nadai tempat agi. Mayuh gilak kereta ke bekena ka feri tu. Tu nombor telefon office ke endor boking tiket tu 087-417333.

Gambar maya bejalai ba Crocodile Farm di Miri. Ba batang lupar din,ti meda jago nyau baka besai baka ke jago ba crocodile farm di miri nya pelaba aku sigi lari lintang pukang bala mesia ke meda jago ngemesai-mesai nya..ha...ha..ha...
Enda kala aku meda mulut ikan ngemanah-manah nya. Ko toke ke nyual ikan nya,kabuah mulut ngau baju ke dikena ikan nya nyau mirah biru laban ikan nya di tatu ke bala sida iya ko iya. Kati kebaka sida natu ikan nya kah,aku pun pelik ga ninga.

2009-07-27T03:01:00.000-07:00

Permandangan ari Muzium ba Kanada Hill Miri. Ti umur panjai,ila lusa ka diau ba miri baru..

2009-07-24T09:36:00.000-07:00

Tu video maya orang nyau ka pulai leboh maya pastor moko(anak mit nya)berkhotbah ba labuan ditu. Aku puas dah nguji upload video maya moko nya ke benung berkhotbah, tang mayuh mai ga penanggul. Mina tu aja video ke ulih di upload aku. Nyadi anak mit tu udah berkhotbah di sulawesi,indonesia din maya umur iya 8thn. Nya meh ke ngasuh orang baka ke enda pecaya ninga cerita aja. Tang maya ninga anak mit tu berkhotbah,nyau baka ke enda pecaya ga orang ke bejako ba atas pentas nya semina nembiak ke baru berumur 10thn. Haleluyah,puji tuhan.

Tang kitai nadai meda berita pasal moko tu di internet,engka orang takut ngai menyebarkan berita pasal anak mit tu ke menua bukai. Laban bisi ga beberapa kes ke enda berapa rindu di dinga orang kristin. Sebedau sida moko tu ke labuan sarinya,sida iya tu ke sabah dulu.

Jualan hebat Labuan. ;-)

2009-07-22T07:58:00.000-07:00

Heineken 5 liter Rm68

Hyundai sport car Rm88,888.00

2009-07-22T07:57:00.000-07:00

Honda CRV

2009-07-22T07:46:00.000-07:00

Honda CRV rega kereta nya ditu RM105 ribu. Mahal gi ari Toyota Fortune.
Rega Fortuner ditu iya ke paling murah RM99,765.
Rega Sport Pajero model baru Rm94ribu.
Ford Everest modal baru Rm96,000. Tapi model Everest nya bedau datai ditu. Mungkin ujung bulan tu baru model kereta nya datai..
Wah...seh... pandai-pandai ja aku tu nolong toke ditu promosi kereta .

Mitshibushi Lancer

2009-07-22T07:33:00.000-07:00

Manah mai kereta Mitshibushi Lancer model ke baru tu. Rega ba Labuan tu ianya RM70,000. Ba sarawak din ti enda silapku rega kereta tu Lebih Rm100,000. Orang luar Labuan ke meli kereta ba labuan tu, ti ka mai kereta nya ke luar labuan semina ulih pergi dalam masa sebulan ja,
ti kereta nya agi dalam loan. Ti ka mai kereta nya pindah ari Labuan bisi kena tax..Tang enda nemu di tax berapa enda kinih.

Aman Dalam Lindungan Tuhan

2009-07-22T06:26:00.000-07:00

Ulih ga video aku tu di upload. Tenang ati leboh ninga lagu rohani tu.

Gelap gelita...

2009-07-18T09:11:00.000-07:00

Malam tadi kawasan perumahan kami ditu nadai elektrik. Nyau embih ngelantak motosikal ke parking ba tebing jalai tudah bala mensia ke bejalai kaki malam tadi jarak. Ukai ja adai beapi kami ditu, minggu tu dah ke 2 minggu kami ditu nadai datai ai siang ari. Maya orang nyau dah ka tinduk baru bisi meda ai neritik ari paip. Maya orang dani pagi ari beguna ke ai,ai lalu nadai agi. Kasian..kasian... Nama aja Wilayah Persekutuan konon.. Ti bisi kaki tangan kerajaan ke mansa blog tu,nolong kami ditu komplen ngagai orang nombor 1, 1 malaysia. Kasih mai kami ditu nyau baka pelarian ke benung tasah ba padang pasir. :-(

Batang Lupar

2009-07-15T09:44:00.000-07:00

Gambar kahwin taun March 2002

2009-07-15T09:32:00.000-07:00

Mulai ka pengingat

2009-07-15T09:24:00.000-07:00

Manah mai menoa orang tu..

2009-07-15T09:20:00.000-07:00

ANAK AJAIB(Pastor Moko 10 taun)

2009-07-03T00:41:00.000-07:00

Pastor Moko, di jemput khas ari Kepulauan Sulawesi, Indonesia berkhobah ba gereja Anglican di Labuan malam tadi. Apo..amat ajaib mat anak mit nya. Pastor Moko nya baru ga berumur 10 taun, tapi cara iya berkhobah mengalahkan pastor kami di Labuan ditu. Maya iya berumur 8 taun udah mula berkhobah ba gereja di Indonesia din. Aku ka download video maya Moko tu berkhobah tang memory video ti di rakam aku nya kelalu besai. Bisi aku nguji download video nya baru ila.

2009-07-03T00:34:00.000-07:00

Iya ke siko nya ketua gereja sida di Sulawesi din, kira ka bishop sida iya din meh nya.

2009-07-03T00:30:00.000-07:00

Dua iko orang ke duduk sepiak Moko nya apai enggau indai Moko.

2009-07-03T00:24:00.000-07:00

javascript:void(0)

Semalam-malam tadi tudah aku nyadi kamera man. Nyau udah abis program malam tadi lalu ngasuh apai tuai ngambar kami menyanak. Ti enda pia lalu enda di peda meh tudah aku jarak.

Bebaris ka besalam enggau Pastor Moko

2009-07-03T00:15:00.000-07:00

Orang nyau bebaris nganti giliran ka besalam ngau Moko. Kami menyanak pen lalu bebaris ngau orang nganti giliran.

Pastor Moko & Axerus Ting

2009-07-02T23:59:00.000-07:00

Untung mat anak ku, dalam pemayuh-mayuh orang ke datai malam tadi mina iya siko aja ke bepeluang begambar dua iko ngau Moko. Nya pen semadi pastor indu ari Sulawesi nanggung iya duduk ngimbai Moko ba atas pentas.

Bio-nik! Ngelala artis tu kah?..

2009-07-01T23:35:00.000-07:00

Gambar maya Sure Heboh ba Miri 2008. Aku rindu meda lakonan artis tu, tapi aku malu ka begambar ngau iya. Nyadi aku lalu ngasuh Amanda begambar enggau iya. Nya pen nyau di beri rasuah dulu Amanda baru iya ka begambar ngau Bio-nik tu.

Kita Minum dulu!.....

2009-07-01T06:39:00.000-07:00

Kawan ku ari Sarawak bisi nemuai ngagai aku kitu minggu siti nyin kemari. Seduai nya sebenar enda entu gilak nemu ngirup ai bisa. Tapi seduai geram meda rega carsbergs ditu baru ka Rm1.90 ja setin. Ti rega carsbergs kitai di Sarawak din baka nya, apo...sigi rindu numi pangan diri ti ari Gawai jangka ku.

Financial Park, Labuan.

2009-07-01T00:26:00.000-07:00

Tu gambar Pusat Kewangan di Labuan. Ti bisi nemuai ke Labuan, rugi ti enda singgah ba supermarket ba Pusat Kewangan ditu.

Kami sebillik..

2009-07-01T00:15:00.000-07:00

Tu gambar kami sebilik. Nama aku Anna Jessi. Husband ku Alex Ting Pek King. Lalu nama anak ku ke indu nya, Amanda Ting Yi Ping. Ngau nama anak aku ke lelaki nya Axerus Ting Sie Horng.

Aku asal ari Sg Rama Sebuyau, Husband ku orang Sarikei. Diatu kami menyanak diau di Labuan, cari makan.... Bala ku kerja nyadi Electrical Chargehand ba Tractors Petroleum Services S/B (anak syarikat Sime Darby) ba Labuan tu. Tapi pangkat aku paling besai, "House Manager"..he..he...he..

Ti bisi orang Sebuyau ngau kaban ari blog ke bukai bisi mansa blog tu, selamat bekelala ngagai kitak wai..